දෙවෙනි ලිපියෙන් අප තරමක් දුරට භාවනාව යනු කුමක්ද භාවනා කලයුත්තේ ඇයි භාවනාවෙන් ලැබෙන ප්රයෝජන මොනවාද යන කරුණු වලට ඉතාමත්ම සරල ඔබේ ව්යවහාරයට අනුව යම් අදහස් දැක්වීමක් කර ඇත්තෙමු. භාවනාවන් වර්ග බොහෝ ගණනක් ඇත. භාවනාවන් වඩන අයුරුද බොහෝ ගනනක් ඇත. භාවනාවන් නිසා උපදවා ගත හැකි ධ්යාණ සමාධීන් හා සමාපත්තීන්ද බොහෝ ගණනක් ඇත. නමුත් මා ඒවා ගැන එම ලිපි දෙකෙහිම කිසිදු සදහනක් නොකෙලෙමි එය දකින ඔබ සමහර විට මා මේ කරන්නට යන්නේ ධර්මය විකෘති කිරීමකි කියන්නට කට සුදානම් කරගෙන ද සිටිනවා ඇත.
මදක් සිතා බලන්න ඔබ පටන් ගත යුත්තේ ඔබ දැන් සිටින තැන සිටය. මා අප ලංකාවේ දකින දුර්වලම තත්වය හැටියට දකින්නේ ධර්මය ඉගැන්වීමේදී බාලාංස ළමයින් සදහා උපාධි අපෙක්ෂකයන්ගේ විෂ්ය නිර්දේශයන් භාවිතා කිරීම වැනි ක්රමයක් වීමයි. එයින් සිදුවන්නේ ධර්මය ගැන වැඩි වැටහීමක් නැති වැඩිපුර කාලයක් යොදවා කටයුතු නොකරන තැනැත්තාට ධර්මය තිත්ත වී යාමය. ඔහුට ධර්මය කරා එන්නට ඒ තුලින් මගක් නොපැදේ. එම නිසා බොහෝ තරුණ තරුනියන් අතර ධර්මය ජිවිතයේ එක්තරා කාලසීමාවකට වෙන් වුවක් ලෙස පිළිගැනීමේ තත්වයක් ඇති වී තිබේ. එය කොයි තරම් සෝචනීය තත්වයක්දැයි පවසතොත් අස්වයා ගිය පසු ඉස්තාලය වැසීමට එය සමාන බව කිව යුතුය.
දැන් අප යලිත් අපගේ ප්රධාන මාතෘකාව බසිමු. හුස්ම රැළ්ල හා විසිරුණු මනස. අද අප මෙම මාතෘකාව ඔස්සේ ඔබට ඉදිරිපත් කරන්නට බලාපොරොත්තු වන කරුණ නම් භාවනාවක් නොදන්නා කෙනෙකුගේ පටන් දන්නා කෙනා දක්වා එය වඩාත් හොදින් පුරුදු කරණ කෙනෙකු වෙන්නේ කෙසේද එසේත් නැතින්ම භාවනා කරන්නේ කොහොමද යන ගැටළුවට පිළිතුරු ලබා දීමටය.
භාවනා කරන්නේ කෙසේ ද ඔබ කෑම කන්නේ කෙසේද. අචාන් චා හිමියන් වෙත ලැබුණු පැනය හා පිළිතුර එපරිදිය. එය එතරම්ම සාමාන්ය දෙයක් බැවින් ඒ හිමියෝ එසේ පවසා ඇත. ඔබ ඔබගේ කායික මානසික වාචසික ක්රියාවන්ගෙන් තොරව ඔබට ජීවත් විය නොහැකිය. ඔබ ජිවත් වන්නේ මේවා සමගිනි. එම ක්රියාවන් සියල්ලම නතර කිරීමක් හෝ ඒවාට පිටින් යමක් කිරීමක් භාවනාව ලෙස හදුන්වනු නොලබයි. භාවනාව කරන ආකාරය බොහෝමයක් ඇතත් අප මෙහි දක්වන්නේ බුදු රජාණන් වහන්සේ විසින් දේශනා කොට වදාළ ආනාපානසති භාවනවායි.
ආනාපානසති භාවනාව යනු කුමක්ද.?
අනාපානසති භාවනාව වැඩීම සදහා අපට අවශ්ය වන්නේ මොනවාද
අනාපාන සති භාවනවා වඩන්නේ කෙසේද.
මේ ඉහත ගැටළු කීපයට අප පිළිතුරු ලබා ගත යුතුය. එයින් පලමු ප්රශ්ණය අප අනාපානසතී භාවනාව යනු කුමක්ද යන්නය. ආනාපාන සතී භාවනාව යනු. අස්වාසය ප්රාස්වාසය. එනම් හුස්ම ඉහල ගැනීම හා පහල හෙලීම නැමැති ක්රියාවලිය මත තමන්ගේ මනසේ සම්පුර්ණ අවධානය රැදවීමයි. අනාපාන සති හුස්ම ගැනීම හා හෙලීම පිළිබදව මනා අවධානයෙන් සිටීම මෙය අනාපාන සතී භාවනාවයි.
අනාපානසති භාවනාවට අවශ්ය දේවල්.
අනාපාන සතී භාවනාව කිරීම සදහා අපට අවැසි වන්නේ , නිහඩ නිශ්කලංක විවේකී හුදකලා පරිසරයක්. මෙය මුලදී ඉතාමත්ම වැදගත් වෙන කරුණකි. භාවනාව කිරීමට වෙන් කරවා ගත් කාලයක්. ආනාපාන සති භාවනාව සදහා ඔබ විසින් පලමුවෙන්ම සොයා ගත යුතු එකම දේ නම් නිශ්කලංක පරිසරයය. ඔබට පසුව ඒ සදහා වේලාවක් වෙන් කරවාගෙන කටයුතු කිරීමට හැකි වෙනුඇත. වාඩිවීමේ ඉරියව්ව තවමත් ඔබට හරි හැටි හුරු නොමැති නම්. තරමක් ගණකම පොඩි මේට්ටයක් වාඩිවීම සදහා භාවතා කිරීම පහසුවක් වෙනු ඇති. ඒ සදහා පහත සදහන් පිංතුර ඔබට මග පෙන්වනු ඇති. මේ අවශ්යතාවයන්ගෙන් බාහිර දේවල් මිස අත්යාවශ්ය ඒවා නොවේ මෙයින් අවැසි වෙන්නේ නිහඩ විවේකී නිශ්කලංක පරිසරයක් හා ඒ සදහා වෙන් කරවා ගත් කාලයක් ය.
අනාපානසති භාවනාව වඩන්නේ කෙසේ ද.
අනාපාන සතීභාවනාව යනු හුස්ම ඉහලට ගැනීම හා පහලට හේලීම සම්බන්ධයෙන් තම මනසේ අවධානය මැනවීන් පිහිටුවා ගැනීම ලෙස අප මුලින් කරුණු කියා ඇත්තෙමු. ඔබට එය අද්හදා බැලිය හැකිය. හොද ප්රබෝධමත් හුස්මක් ගන්න. දැන් ඔබ එය පිට කරන්න. යලිත් ඔබ මද වෙලාවක් එම ක්රියාව ඔබේ ආයාසයකින් තොරව ස්වයං ක්රියව සිදුවෙන අයුරු දෙස නොසැලී බලා සිටින්න වෙනත් කිසිම දෙයක් කෙරෙහි ඔබේ අවධානය එනම් මනසේ අවධානය නොදී හුස්ම ගැනීම හා හෙලීම සම්බන්ධයෙන් ම පමණක් අවධානයෙන් යුතුව පසුවන්න. ආනාපාන සතී භාවනාවේ පලමු පියවර එයයි.ආනාපාන සතී භාවනාවට උපදෙස් ලබාදෙන භාග්යවතුන් වහන්සේ ඒ ගැන පවසා ඇත්තේ මෙපරිදිය.
ඉධ භික්ඛවේ භික්ඛු අරඤ්ඤගතොවා සුඤ්ඤාගාරගතො වා රුක්ඛමුල ගතොවා. මහණෙනි අනාපානසති භාවනාව වඩනු කැමැති භික්ෂුව කැළයකට හෝ මිනිසුන්ගෙන් තොර හිස් ගෘහයකට හෝ, ගසක් මුලකට හෝ යයි. ගොස්.
නිසීදති පළ්ලංකං ආභුජිත්වා උජුං කායං පණිධාය. පරිමුඛං සතිං උපට්ඨපෙත්වා.පර්යංකාසනයෙන් යුතුව කොන්ද කෙලින් තබාගෙන වාඩිවෙයි. වාඩි වී සිහිය මුහුණ ඉදිරියට යොමු කර ගනී සිහිය මුහුණ ඉදිරියට යොමු කරගෙන.
සො සතොව අස්සසති, සතෝ පස්සසති. ඔහු සිහියෙන්ම ආශ්වාස කරයි , සිහියෙන්ම ප්රාශ්වාස කරයි.
අනාපාන සති භාවනාවේ පලමු පියවර වෙන මෙයින් එම භාවනාව සිදු කරනු ලබන්නේ කෙසේ ද යන්න ගැන මැනවින් පැහැදිළි කර දෙනු ලබයි.
එය යලිත් වරක් සදහන් කරන්නේ නම්
ඔබ විසින් නිහඩ නිශ්කලංක විවේකි පරිසරයකට පැමිණ. භාවනාවට වාඩි වෙන ඉරියව්වෙන් වාඩි විය යුතුය. එසේ වාඩි වී කොන්ද කෙලින් තබාගෙන තමන්ගේ මනසේ අවධානය සම්පුර්ණයෙන්ම මුහුණ ඉදිරියට (නාසිකාව කේන්ද්ර කරගත) යොමුකරගත යුතුය. එසේ මුහුණ ඉදිරියට සිහිය යොමු කරගෙන බලාගෙන සිටින ඔබට ඔබ හුස්ම ගන්න බව හා හෙලන'යුරු දැනෙන්නට පටන් ගනී. එවිට හුස්ම ඉහලට ගන්නා විට හුස්ම ගන්නා බවද , හුස්ම පහලට හෙලන විට හුස්ම හෙලනවා බවද මනා අවධානයෙන් යුතුව දැකගන්න දැනගන්න. ඔබ විසින් කල යුත්තේ එපමණයි. අනාපාන සතිය ගැන දැනගත යුතු තවත් බොහෝ කරුණු රැගෙන ඊළග ලිපියෙන් හමුවෙමු. තෙරුවන් සරණයි.
සිව්වන ලිපියට මෙතැනින්
සිව්වන ලිපියට මෙතැනින්
No comments:
Post a Comment
මේ ලිපි පිළිබදව ඔබට යමක් කියන්නට ඇත්නම් මේ ඉඩ හසර ඒ සදහායි.